Uko wahagera

Igihugu ca Misiri Carateguye Ibwirizwa Nshingiro Rigumana Amategeko Yisunga Idini rya Islamu

  • VOA Africa

Imyiyerekano y'Abanyamisiri Badashigikiye Ingingo ya Prezida Mohamed Morsi

Imyiyerekano y'Abanyamisiri Badashigikiye Ingingo ya Prezida Mohamed Morsi

Umurwi ugizwe ahanini n’abantu bashigikiye imico ya kera, bariko batunganye ibwirizwa nshingiro rishasha, ry’igihugu ca Misiri, baragumijeho ingingo z’amategeko afatiye kw’idini rya islamu, nk’isoko ry’amategeko, bakaba baranyarukije kwemeza izo ngingo, naho abatavuga rumwe na Reta, bihojeje izo ngingo, kandi ibibazo vya politike bibandanya kwiyongera, mu gihugu ca Misiri.

Mu kiringo c’imisi mikeyi irangiye, hafi y’abatavuga rumwe na Reta mirongo itatu, baravuye muri uwo murwi, mu mugambi w’ukwiyamiriza, ivyo bise kunyuruza igikorwa c’ugutunganya ibwirizwa nshingiro rishasha, cagizwe n’abashigikiye prezida w’igihugu ca Misiri, Mohamed Morsi.

Prezida w’igihugu ca Misiri, Mohamed Morsi, yatumye uruhagarara, ruhari muri iki gihe, rwaduka mu ndwi iheze, igihe yiha ubutegetsi bukomeye bushasha, gushika ibwirizwa nshingiro riherahejwe, vyari vyitezwe kw’ashikiriza ijambo abanyagihugu, mw’ijoro ry’ejo ku musi wa kane.

Uruhagarara ruri, mu gihugu ca Misiri, muri iki gihe, rwatumye haba imyiyerekano, mu mabarabara ,yamaze indwi, yabandanije gushijka ubu. Abantu babiri barapfuye, abandi amajana n’amajana, barakomereka, mu myiyerekano yabaye, mu gihugu cose, yatumwe n’itegeko ryafashwe na prezida Morsi, rituma inzego z’ubutungane, zidashobora guhinyuza ingingo ziwe.

XS
SM
MD
LG